ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ກອງປະຊຸມທາບທາມບຸກຄະລາກອນ ຄະນະບໍລິຫານງານພັກ ກະຊວງສຶກສາທິການ ແລະ ກິລາ ສະໄໝທີ IX ຮອບທີ II
ຈຳນວນຜູ້ອ່ານ: 117
ອະນຸມັດວັນທີ: 14/09/2020

          ປະຕິບັດ​ຕາມ​ຄຳ​ສັ່ງ​ຂອງ​ຄະນະ​ເລຂາ​ທິການ​ສູນ​ກາງ​ພັກ ສະບັບ​ເລກທີ 04/ຄລສພ, ລົງ​ວັນ​ທີ 07 ພຶດສະພາ 2018 ວ່າ​ດ້ວຍ​ການ​ກະກຽມ​ດຳ​ເນີນ​ກອງ​ປະຊຸມ​ໃຫຍ່​ອົງຄະ​ນະ​ພັກ​ກະຊວງ-ອົງການ, ​ແຂວງ​-ນະຄອນ, ອົງຄະ​ນະ​ພັກ​​ເມືອງ​-ນະຄອ​ນ ​ແລະ ຮາກ​ຖານ​ພັກ​ໃນ​ທົ່ວ​ປະ​ເທດ ​ແລະ ມະຕິ​ຕົກລົງ​ຂອງ​ຄະນະ​ປະຈຳ​ພັກ​ກະຊວງ​ສຶກສາ​ທິການ ​ແລະ ກິລາ ສະບັບ​ເລກທີ 117/ຄພສກ, ລົງ​ວັນ​ທີ 25 ມີນາ 2020 ວ່າ​ດ້ວຍ​ການ​​ແຕ່ງ​ຕັ້ງຄະນະ​ຮັບຜິດ​ຊອບ​ກະກຽມ ​ແລະ ດຳ​ເນີນ​ກອງ​ປະຊຸມ​ໃຫຍ່ ຄັ້ງ​ທີ IX; ​​ໃນ​ວັນ​ທີ 3 ກັນຍາ 2020 ຄະ​ນະ​ພັກ​ກະຊວງ​ສຶກສາ​ທິການ ​ແລະ ກິລາ ​ໄດ້​ຈັດ​ກອງ​ປະຊຸມ​ທາບທາ​ມບຸກຄະລາ​ກອນ ຮອບ​ທີ II ​ເພື່ອ​ກະກຽມ​ສະໝັກເຂົ້າ​​ໃນ​ຄະນະ​ບໍລິຫານ​ງານ​ພັກ​ກະຊວງ​ສຶກສາ​ທິການ ​ແລະ ກິລາ ສະ​ໄໝ​ທີ IX ​ໂດຍ​ການ​ເປັນ​ປະທານ​ຂອງ​ສະຫາຍ ນາງ ​ແສງ​ເດືອນ ຫຼ້າ​ຈັນທະ​ບູ ກຳມະການສູນ​ກາງ​ພັກ ​ເລຂາ​ຄະນະ​ພັກ, ລັດຖະມົນຕີ​ກະຊວງ​ສຶກສາ​ທິການ ​ແລະ ກິລາ, ມີ​ບັນດາສະຫາຍ​ຄະນະ​​ພັກ​ກະຊວງ, ຄະນະ​ພັກ​ມະຫາວິທະຍາ​ໄລ​ແຫ່ງ​ຊາດ, ຄະນະ​ພັກ​ຮາກ​ຖານ, ຄະນະ​ໜ່ວຍ​ພັກ​ຮາກ​ຖານ ​ແລະ ຜູ້ຕາງໜ້າ​ຈາກ​ຫ້ອງ​ວ່າການ​ສູນ​ກາງ​ພັກ, ຄະນະ​ຈັດ​ຕັ້ງ​ສູນ​ກາງ​ພັກ ​ແລະ ຄະນະ​ກວດກາ​ສູນ​ກາງ​ພັກ ພ້ອມ​ແຂກ​ຖືກ​ເຊີນ​ເຂົ້າ​ຮ່ວມ.

          ກອງ​ປະຊຸມ ຜູ້​ແທນ​ໄດ້​ຮັບ​ຟັງ​ການ​ຜ່ານ​ຮ່າງ​ບົດ​ລາຍ​ງານ​ການ​ເມື​ອງ, ຮ່າງ​ແຜນ​ພັດທະ​ນາ​ການ​ສຶກສາ ​ແລະ ກິລາ 5 ປີ ຄັ້ງ​ທີ IX (2021-2025) ​ແລະ ຮ່າງ​ບົດ​ສຳ​ຫຼວດການ​ນຳພາ​ລວມຂອງ​ຄະນະ​ບໍລິຫານ​ງານ​ພັກ​ກະຊວງ​ສຶກສາ​ທິການ ​ແລະ ກິລາ ສະ​ໄໝ​ທີ VIII, ຈາກ​ນັ້ນ ຜູ້​ເຂົ້າ​ຮ່ວມໄດ້ປະກອບຄຳ ຄິດ​ຄຳ​ເຫັນ​ໃສ່​ຮ່າງ​ເອກະສານ​ດັ່ງກ່າວຢ່າງ​​ເລິກ​ເຊິ​ງ ​ແລະ ກົງ​ໄປ​ກົງມາ, ຕໍ່​ຈາກ​ນັ້ນ ຜູ້​ແທນ​ກອງ​ປະຊຸມ​ໄດ້​ດຳ​ເນີນ​ການທາ​ບທາມ​ບຸກຄະລາ​ກອນອອກ​ສະໝັກ​ຮັບ​ເລືອກ​ຕັ້ງ​ເຂົ້າ​ໃນ​ຄະນະ​ບໍລິຫານ​ງານ​ພັກ​ກະຊວງ​ ສະ​ໄໝທີ IX, ຮອບ​ທີ II, ທາ​ບທາມ​​​ເປົ້າໝາຍ​ເລຂາ, ຮອງ​ເລຂາ, ຄະນະ​ປະຈຳ​ພັກ​ກະຊວງ, ປະທານ, ຮອງ​ປະທານ​ກວດກາ​ພັກ​ກະຊວງ ​ໃຫ້​ຖືກຕ້ອງ​ຕາມ​ມາດຖານ ​ແລະ ​ເງື່ອນ​ໄຂທີ່​ກຳນົດ​ໄວ້ …ຯ

ໂດຍ: ສ. ສົດ​ໃສ