ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ກະຊວງແຜນການ ແລະ ການລົງທຶນ ປະຖະກະຖາ ວັນສໍາຄັນຕ່າງໆຂຶງພັກ, ຂອງຊາດ ແລະ ສາກົນ
ຈຳນວນຜູ້ອ່ານ: 85
ອະນຸມັດວັນທີ: 06/02/2023

ຂ່າວ: ນ.ຈັນອາລີຈິດ

ພາບ: ແສງອາລຸນ

     ວັນທີ 27 ມັງກອນ 2023 ທີ່ກະຊວງແຜນການ ແລະ ການລົງທຶນ ໄດ້ຈັດພິທີປາຖະກະຖາວັນສ້າງຕັ້ງກອງທັບປະຊາຊົນລາວ 20 ມັງກອນ (ຄົບຮອບ 74 ປີ) ເຜີຍແຜ່ເນື້ອໃນເອກະສານກອງປະຊຸມວຽກງານການເມືອງ-ແນວຄິດ ທົ່ວປະເທດ ຄັ້ງທີ V ແລະ ວັນຊາດສາທາລະນະລັດກູບາ (ຄົບຮອບ 64 ປີ). ພາຍໃຕ້ການເປັນປະທານ ແລະ ໃຫ້ກຽດປາຖະກະຖາ ຂອງ ສະຫາຍ ນາງ ຄໍາຈັນ ວົງແສນບູນ  ຮອງເລຂາຄະນະບໍລິຫານງານພັກ, ຮອງລັດຖະມົນຕີກະຊວງແຜນການ ແລະ ການລົງທຶນມີສະຫາຍກໍາມະການປະຈໍາພັກ, ຄະນະບໍລິຫານງານພັກກະຊວງ, ຮອງລັດຖະມົນຕີ, ທຽບເທົ່າຮອງລັດຖະມົນຕີ, ຫົວໜ້າກົມ, ຫ້ອງການ, ຮອງຫົວໜ້າກົມ, ຮອງຫ້ອງການ ຕະຫຼອດຮອດພະນັກງານ-ລັດຖະກອນ ພາຍໃນກະຊວງແຜນການ ແລະ ການລົງທຶນເຂົ້າຮ່ວມທັງໝົດ ຈໍານວນ 275 ສະຫາຍ, ຍິງ 113 ສະຫາຍ.

     ໃນພິທີດັ່ງກ່າວ ສະຫາຍ ນາງ ຄໍາຈັນ ວົງແສນບູນ ໄດ້ໃຫ້ກຽດປາຖະກະຖາເລົ່າມູນເຊື້ອວັນສ້າງຕັ້ງກອງທັບປະຊາຊົນລາວ ເຊິ່ງຕະຫຼອດໄລຍະ 74 ປີ ຜ່ານມາ. ພາຍໃຕ້ການນໍາພາອັນສະຫຼາດສ່ອງໃສ ຂອງພັກ ປະຊາຊົນ ປະຕິວັດລາວ ເຮັດໃຫ້ກອງທັບເຕີບໃຫຍ່ຂະຫຍາຍຕົວຢ່າງຕໍ່ເນື່ອງທາງດ້ານປະລິມານ ແລະ ຄຸນນະພາບ. ຜ່ານການເຝິກຝົນຫຼໍ່ຫຼອມ, ທົດສອບຈາກແປວໄຟສົງຄາມຈົນຕໍ່ສູ້ຍາດໄດ້ເອກະລາດ ແລະ ມູນເຊື້ອກອງທັບປະຊາຊົນລາວເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ.

     ຫຼັງຈາກນັ້ນ, ໄດ້ເຜີຍແຜ່ເຊື່ອມຊຶມເນື້ອໃນເອກະສານ ຂອງກອງປະຊຸມວຽກງານການເມືອງແນວຄິດທົ່ວປະເທດ ຄັ້ງທີ V ເຊິ່ງປະກອບມີບັນດາເນື້ອໃນຄື: ບົດສະຫຼຸບຕີລາຄາສະພາບການຈັດຕັ້ງປະຕິບັດວຽກງານການເມືອງ-ແນວຄິດ ໄລຍະແຕ່ປີ 2003-2022 ແລະ ທິດທາງຮອດປີ 2025, ບົດໂອ້ລົມຊີ້ນໍາ ຂອງສະຫາຍເລຂາທິການໃຫຍ່ ຕໍ່ກອງປະຊຸມວຽກງານການເມືອງ-ແນວຄິດ ທົ່ວປະເທດຄັ້ງທີ V, ມະຕິກອງປະຊຸມວຽກງານການເມືອງ-ແນວຄິດທົ່ວປະເທດຄັ້ງທີ V, ເອກະສານຕັ້ງໜ້າຜັນຂະຫຍາຍມະຕິດັ່ງກ່າວເຂົ້າໃນສັງຄົມຕົວຈິງ ແລະ ສືບຕໍ່ປະຖະກະຖາວັນຊາດສາທາລະນະລັດກູບາ (ຄົບຮອບ 64).