ແຫຼ່ງຂ່າວ: ຄໍາໝັ້ນ ພຽງພິລາ

     ພິທີເລື່ອນສະມາຊິກພັກສຳຮອງ ເປັນສະມາຊິກພັກສົມບູນ ຂອງໜ່ວຍພັກພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງໄຊສົມບູນ ໄດ້ຈັດຂຶ້ນໃນ ວັນທີ 20 ກຸມພາ 2023  ທີ່ຫ້ອງປະຊຸມຂອງຕົນ ໂດຍການເປັນປະທານຂອງສະຫາຍ ທົງສະຫວັນ ໂພສາລາດ, ເລຂາໜ່ວຍພັກ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງໄຊສົມບູນ, ມີຕາງໜ້າເລຂາ-ຮອງເລຂາໜ່ວຍພັກ ຈາກຂົງເຂດກຸ່ມວັດທະນະທຳ-ສັງຄົມ ພ້ອມດ້ວຍສະມາຊິກພັກ ພາຍໃນໜ່ວຍ ເຂົ້າຮ່ວມ.

    ໃນພິທີ ໄດ້ຜ່ານມະຕິຕົກລົງ ຂອງຄະນະປະຈໍາພັກແຂວງ ວ່າດ້ວຍການອະນຸມັດເລື່ອນສະມາຊິກພັກສຳຮອງເປັນສະມາຊິກພັກສົມບູນຈໍານວນ 4 ສະຫາຍ ຈາກນັ້ນ, ສະຫາຍ ໄມພອນ ເສນາມົນນີ ຮອງເລຂາໜ່ວຍພັກ ໄດ້ຂຶ້ນມອບມະຕິຕົກລົງໃຫ້ແກ່ສະມາຊິກພັກສົມບູນ.

      ໂອກາດດັ່ງກ່າວ ສະຫາຍ ທົງສະຫວັນ ໂພສາລາດ ໄດ້ມີຄໍາເຫັນໂອ້ລົມຕໍ່ ສະມາຊິກພັກສົມບູນທັງ 4 ສະຫາຍ ຈົ່ງເອົາໃຈໃສ່ຝຶກຝົນຫຼໍ່ຫຼອມຕົນເອງ ໃຫ້ກາຍເປັນສະມາຊິກພັກດີເດັ່ນ, ໃຫ້ມີຄວາມຫ້າວຫັນຕໍ່ໜ້າທີ່ວຽກງານໃນທຸກດ້ານ, ມີຄວາມໜັກແໜ້ນຕໍ່ອຸດົມການຂອງພັກ, ເປັນເຈົ້າການຈັດຕັ້ງປະຕິບັດໜ້າທີ່ດ້ວຍຄວາມຮັບຜິດຊອບສູງ, ເປັນແບບຢ່າງຈັດຕັ້ງປະຕິບັດແນວທາງນະໂຍບາຍຂອງພັກ-ລັດ. ພ້ອມນັ້ນ, ສະຫາຍຍັງໄດ້ເນັ້ນໜັກໃຫ້ໜ່ວຍພັກຕະຫຼອດຮອດສະມາຊິກພັກທຸກສະຫາຍ ຈົ່ງເອົາໃຈໃສ່ສຶກສາອົບຮົບການເມືອງ-ແນວຄິດເປັນປົກ ກະຕິ, ມີຄວາມສາມັກຄີເປັນປຶກແຜ່ນ, ມີຄວາມຫ້າວຫັນຕໍ່ໜ້າທີ່ວຽກງານທີ່ພັກ-ລັດມອບໝາຍ ໃຫ້ໄດ້ຮັບຜົນສຳເລັດຕາມແຜນການທີ່ວາງໄວ້.