ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ກະຊວງແຜນການ ແລະ ການລົງທຶນ ຈັດພິທີປາຖະກະຖາ, ເຜີຍແຜ່ມະຕິ ກອງປະຊຸມຄົບຄະນະຄັ້ງທີ 6 ຂອງຄະນະບໍລິຫານງານສູນກາງພັກ ສະໄໝທີ XI ແລະ ເອກະສານສໍາຄັນຈໍານວນໜຶ່ງ
ຈຳນວນຜູ້ອ່ານ: 78
ອະນຸມັດວັນທີ: 14/08/2023

     ໂດຍ: ອານຸລັກ ຈິດຕິລາດ

     ໃນວັນທີ 11 ສິງຫາ 2023, ທີ່ສະໂມສອນໃຫຍ່ຂອງກະຊວງແຜນການ ແລະ ການລົງທຶນ ໄດ້ຈັດພິທີປາຖະກະຖາ, ເຜີຍແຜ່ມະຕິກອງປະຊຸມຄົບຄະນະຄັ້ງທີ 6 ຂອງຄະນະບໍລິຫານງານສູນກາງພັກ ສະໄໝທີ XI  ແລະ ເອກະສານສໍາຄັນຈໍານວນໜຶ່ງ, ພາຍໃຕ້ການເປັນປະທານຂອງທ່ານ ຄໍາເຈນ ວົງໂພສີ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງແຜນການ ແລະ ການລົງທຶນ. ມີບັນດາສະຫາຍຄະນະປະຈໍາພັກ, ຄະນະບໍລິຫານງານພັກກະຊວງ, ຫົວໜ້າກົມ, ຫົວໜ້າຫ້ອງການ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ, ສະມາຊິກພັກ, ພະນັກງານ-ລັດຖະກອນ ເຂົ້າຮ່ວມທັງໝົດ 450 ສະຫາຍ, ຍິງ 50 ສະຫາຍ.

     ໃນພິທີໄດ້ຮັບຟັງການເຜີຍແຜ່-ເຊື່ອມຊຶມ ມະຕິກອງປະຊຸມຄົບຄະນະຄັ້ງທີ 6 ຂອງຄະນະບໍລິຫານງານສູນກາງພັກ ສະໄໝທີ XI ສະເໜີໂດຍສະຫາຍ ຄໍາເຈນ ວົງໂພສີ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງແຜນການ ແລະ ການລົງທຶນ ແລະ ຜົນສໍາເລັດການພົບປະສຸດຍອດ ຄັ້ງທີ 13 ລະຫວ່າງພັກ ສປປ ລາວ ກັບ ພັກປະຊາຊົນກໍາປູເຈຍ ໃນປີ 2023. ຈາກນັ້ນ, ສະຫາຍ ນາງ ຄໍາຈັນ ວົງແສນບູນ ຮອງເລຂາຄະນະບໍລິຫານງານພັກ, ຮອງລັດຖະມົນຕີກະຊວງແຜນການ ແລະ ການລົງທຶນ, ໄດ້ປາຖະກະຖາວັນເກີດ ປະທານສຸພານຸວົງ ຄົບຮອບ 114 ປີ ແລະ ຜ່ານດໍາລັດນາຍົກລັດຖະມົນຕີ ວ່າດ້ວຍການຮັບຮອງເອົາວັນສ້າງຕັ້ງກະຊວງແຜນການ ແລະ ການລົງທຶນ; ພ້ອມນັ້ນກໍ່ໄດ້ເຜີຍແຜ່ຜົນສໍາເລັດການພົບປະ 2 ກົມການເມືອງລາວ-ຫວຽດນາມ ປະຈໍາປີ 2023 ສະເໜີໂດຍສະຫາຍ ວຽງສະຫວັນ ວິໄລພອນ ກໍາມະການຄະນະບໍລິຫານງານພັກ, ຜູ້ປະຈໍາການ, ຮອງປະທານຄະນະກໍາມະການການຮ່ວມມືລາວ-ຫວຽດນາມ ແລະ ຜົນສໍາເລັດຂອງການຢ້ຽມຢາມ ສປ ຈີນ ທາງລັດຖະການ ຂອງສະຫາຍເລຂາທິການໃຫຍ່, ປະທານແຫ່ງ ສປປ ລາວ ສະເໜີໂດຍສະຫາຍ ໄຊຊະນະ ສິດທິພອນ ກໍາມະການຄະນະບໍລິຫານງານພັກ, ຜູ້ປະຈໍາການ, ຮອງປະທານຄະນະກໍາມະການຮ່ວມມືລາວ-ຈີນ.