ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ພິທີເປີດຊຸດຮຽນທິດສະດີການເມືອງຂັ້ນຕົ້ນ ຊຸດທີ 2 ໃຫ້ພະນັກງານຂະແໜງການທະນາຄານ
ຈຳນວນຜູ້ອ່ານ: 56
ອະນຸມັດວັນທີ: 02/05/2024

ຂ່າວ ແລະ ພາບ: ລັດດາວັນ

     ໃນວັນທີ 29 ເມສາ 2024 ​ທະນາຄານແຫ່ງ ສປປ ລາວ (ທຫລ) ໄດ້ຈັດພິທີເປີດຊຸດຮຽນທິດສະດີການເມືອງຂັ້ນຕົ້ນ ຊຸດທີ 2 ປະຈຳປີ 2024 ໃຫ້ພະນັກງານຂະແໜງທະນາຄານ ຢູ່ທີ່ຫ້ອງປະຊຸມ ສະຖາບັນທະນາຄານ (ສທຄ) ພາຍ​ໃຕ້​ການ​ເປັນ​ປະທານຂອງສະຫາຍ ນາງ ຂັນແກ້ວ ຫລ້າມະນີເງົາ ກຳມະການປະຈຳ​ພັກ, ຮອງຜູ້ວ່າການທະນາຄານແຫ່ງ ສປປ ລາວ, ມີຜູ້ຕາງໜ້າຈາກ ສະຖາບັນການເມືອງ ແລະ ການປົກຄອງ ແຫ່ງຊາດ (ສມປຊ) ໂດຍແມ່ນສະຫາຍ ນາງ ບຸນມີ ຈຸນລະຈັກ ຮອງເລຂາຄະນະພັກ, ຮອງຫົວໜ້າ ສມປຊ, ມີບັນດາສະຫາຍຕາງໜ້າຈາກບັນດາກົມ ທີ່ຂຶ້ນກັບ (ທຫລ), ແຂກຖືກເຊີນ ພ້ອມດ້ວຍຜູ້ເຂົ້າຮ່ວມຮັບການຝຶກອົບຮົມ ທັງໝົດ 70 ກວ່າສະຫາຍ.

     ຊຸດຝຶກອົບຮົມຄັ້ງນີ້ ຈະດຳເນີນໄປເປັນເວລາ 3 ເດືອນ, ມີຜູ້ເຂົ້າຮ່ວມຮັບການຝຶກອົບຮົມ 60 ສະຫາຍ, ຍິງ 32 ສະຫາຍ ທີ່ມາຈາກບັນດາຮາກຖານພັກອ້ອມຂ້າງ ທຫລ ລວມມີ: ທຫລ 32 ສະຫາຍ, ທະນາຄານການຄ້າຕ່າງປະເທດລາວ 20 ສະຫາຍ, ທະນາຄານນະໂຍບາຍ 6 ສະຫາຍ, ທະນາຄານຮ່ວມທຸລະກິດລາວ-ຫວຽດ 1 ສະຫາຍ ແລະ ຕະຫຼາດຫຼັກຊັບລາວ 1 ສະຫາຍ. ເນື້ອໃນຊຸດຝຶກອົບຮົມປະກອບມີ 6 ກຸ່ມວິຊາ ລວມມີ 50 ບົດ ຄື: ວິຊາປັດສະຍາ 7 ບົດ; ວິຊາເສດຖະສາດການເມືອງ ມາກ-ເລນິນ 9 ບົດ; ລັດທິສັງຄົມນິຍົມວິທະຍາ, ການເມືອງວິທະຍາ ແລະ ສັງຄົມສາດ 12 ບົດ; ແນວຄິດ ໄກສອນ ພົມວິຫານ(ການເມືອງ, ເສດຖະກິດ, ສັງຄົມ ແລະ ວັດທະນະທຳ) 5 ບົດ; ວິຊາພື້ນຖານການຄຸ້ມຄອງບໍລິຫານ, ທິດສະດີລັດ ແລະ ກົດໝາຍ, ເຕັກນິກບໍລິຫານ 7 ບົດ; ປະຫວັດສາດພັກ ແລະ ກໍ່ສ້າງພັກ 9 ບົດ, ນອກນີ້ ຍັງມີວິຊາບັງຄັບ, ຫົວຂໍ້ລາຍງານເພີ່ມ ແລະ ຂຽນບົດລາຍງານຈົບຊັ້ນຕື່ມອີກ.

     ຈຸດປະສົງຂອງການຝຶກອົບຮົມຄັ້ງນີ້ ແມ່ນເພື່ອຍົກລະດົບຄວາມຮູ້, ຄວາມສາມາດ ໃຫ້ພະນັກງານຫລັກແຫຼ່ງນຳພາຂອງຂະແໜງການທະນາຄານ ໃຫ້ມີຄວາມຮັບຮູ້, ເຂົ້າໃຈ ໃນບັນດາຫຼັກມູນ-ທິດສະດີຢ່າງເລິກເຊິ່ງ ທັງປັບປຸງທັດສະນະ, ຄວາມໜັກແໜ້ນທາງດ້ານຄຸນທາດການເມືອງ ແລະ ເສີມທັກສະການນຳພາວຽກງານໃຫ້ສູງຂຶ້ນ, ພາຍຫຼັງຮຽນທິດສະດີ ແລະ ແນວທາງນະໂຍບາຍຂອງພັກແລ້ວ ຕ້ອງຮູ້ນຳໄປໝູນໃຊ້ເຂົ້າໃນການຈັດຕັ້ງປະຕິບັດຕົວຈິງໃນຂົງເຂດວຽກງານທີ່ຕົນເອງຮັບຜິດຊອບ, ເພື່ອເປັນກຳລັງແຮງຊ່ວຍຄະນະພັກ, ຄະນະນຳຂອງຕົນ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກ ທຫລ ແລະ ມະຕິກອງປະຊຸມໃຫຍ່ຄະນະພັກຂັ້ນຂອງຕົນ ໃຫ້ປະກົດຜົນເປັນຈິງ, ລວມທັງເປັນເຈົ້າການໃນການປະກອບສ່ວນເຂົ້າໃນການກະກຽມກອງປະຊຸມໃຫຍ່ຄະນະພັກຂັ້ນຕ່າງໆ ທີ່ຈະໄຂຂຶ້ນໃນມໍ່ໆນີ້ ໃຫ້ປະສົບຜົນສຳເລັດຢ່າງຈົບງາມ.