ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ໜ່ວຍພັກການຕະຫຼາດ ສໍາເລັດກອງປະຊຸມໃຫຍ່ ຄັ້ງທີ III ຂອງຕົນ
ຈຳນວນຜູ້ອ່ານ: 17772
ອະນຸມັດວັນທີ: 07/06/2024

ແຫຼ່ງຂ່າວ: ລລທ

        ກອງປະຊຸມໃຫຍ່ ຄັ້ງທີ III ຂອງໜ່ວຍພັກການຕະຫຼາດ ທີ່ຂຶ້ນກັບຄະນະພັກຮາກຖານບໍລິສັດລາວໂທລະຄົມມະນາຄົມ ມະຫາຊົນ (ລລທ) ໄດ້ຈັດຂຶ້ນໃນວັນທີ 31 ພຶດສະພາ 2024 ໂດຍການເຂົ້າຮ່ວມເປັນປະທານຂອງສະຫາຍ ສຸພົນ ຈັນທະວີໄຊ ຄະນະບໍລິຫານງານພັກກະຊວງເຕັກໂນໂລຊີ ແລະ ການສື່ສານ (ຕສ), ເລຂາຄະນະພັກຮາກຖານ ລລທ, ຕາງໜ້າຄະນະພັກກະຊວງ ຕສ, ມີຄະນະພັກຮາກຖານ ລລທ, ຕາງໜ້າຄະນະຕິດຕາມການດໍາເນີນກອງປະຊຸມໃຫຍ່ພັກ 3 ຂັ້ນ ຂອງກະຊວງ ຕສ ພ້ອມດ້ວຍຕາງໜ້າບັນດາໜ່ວຍພັກ, ຕາງໜ້າ 3 ອົງການຈັດຕັ້ງມະຫາຊົນ, ຕາງໜ້າຫ້ອງການພັກ ລລທ, ສະມາຊິກພັກສົມບູນ ແລະ ສໍາຮອງ ຂອງໜ່ວຍພັກການຕະຫຼາດ ເຂົ້າຮ່ວມທັງໝົດ 35 ສະຫາຍ.

        ໃນກອງປະຊຸມ ສະຫາຍ ນາງ ມະນີຈັນ ພິລາວົງ ເລຂາໜ່ວຍພັກການຕະຫຼາດ ໄດ້ຂຶ້ນຜ່ານບົດລາຍງານການເມືອງ ສະຫຼຸບການເຄື່ອນໄຫວວຽກງານຂອງໜ່ວຍພັກ ໃນໄລຍະ 5 ປີ (2019-2023) ແລະ ທິດທາງແຜນການເຄື່ອນໄຫວໃນຕໍ່ໜ້າ (2024 - 2028). ໃນໄລຍະ 05 ປີຜ່ານມາ ໜ່ວຍພັກການຕະຫຼາດ ໄດ້ຮັບການຊີ້ນໍາຈາກຄະນະພັກຮາກຖານ ລລທ ເປັນປະຈໍາ ແລະ ສະມາຊິກພັກທຸກສະຫາຍມີຄວາມສາມັກຄີ ໃຫ້ຄວາມຮ່ວມມືໃນທຸກດ້ານ ເຮັດໃຫ້ໜ່ວຍພັກມີຄວາມສາມັກຄີເປັນປຶກແຜ່ນ, ຕັດສິນໃຈສູງຜ່ານຜ່າອຸປະສັກນາໆປະການ ປະຕິບັດໜ້າທີ່ການເມືອງ ທີ່ໄດ້ກໍານົດໄວ້ໃນມະຕິກອງປະຊຸມ ຄັ້ງທີ V ຂອງຄະນະພັກຮາກຖານ ລລທ ເວົ້າລວມ, ເວົ້າສະເພາະແມ່ນຈັດຕັ້ງປະຕິບັດບັນດາຄາດໝາຍທີ່ກໍານົດໄວ້ ໃນມະຕິກອງປະຊຸມໃຫ່ຍ ຄັ້ງທີ II ຂອງໜ່ວຍພັກການຕະຫຼາດ ໃຫ້ມີຜົນສໍາເລັດເປັນຢ່າງດີ ເປັນການປະກອບສ່ວນຢ່າງໜັກແໜ້ນໃຫ້ແກ່ການພັດທະນາ ເສດຖະກິດ-ສັງຄົມແຫ່ງຊາດ.

        ໃນວາລະກອງປະຊຸມ, ສະມາຊິກພັກສົມບູນພາຍໃນໜ່ວຍ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ 03 ສະຫາຍ ຈາກຜູ້ສະໝັກ 05 ສະຫາຍ, ກອງປະຊຸມຄັ້ງປະຖົມມະເລີກ ໄດ້ຕົກລົງເຫັນດີເປັນເອກະພາບຮັບຮອງເອົາສະຫາຍ ນາງ ມະໂນລົມ  ເຂັມສຸລິຍະຈັກ ​​ເປັນເລຂາໜ່ວຍພັກ, ສະຫາຍ ນາງ ສັນຕິສຸກ ທໍາມະທິໂນ ເປັນຮອງເລຂາໜ່ວຍພັກ ທັງເປັນປະທານກວດກາ ແລະ ສະຫາຍ ນາງ ຈັນທະສອນ  ແພງຍະລາດ         ເປັນກໍາມະການໜ່ວຍພັກ. ພ້ອມນີ້ ກໍ່ໄດ້ເລືອກຜູ້ແທນສົມບູນ ແລະ ສຳຮອງ ເຂົ້າຮ່ວມກອງປະຊຸມໃຫຍ່ ຄະນະພັກຮາກຖານ ລລທ ຈໍານວນ 12 ສະຫາຍ ແລະ ສໍາຮອງ 3 ສະຫາຍ.

        ໃນຕອນທ້າຍ, ສະຫາຍ ສຸພົນ  ຈັນທະວີໄຊ  ປະທານກອງປະຊຸມໄດ້ມີຄໍາເຫັນໂອ້ລົມ ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ພ້ອມທັງເນັ້ນໜັກໃຫ້ຄະນະໜ່ວຍພັກການຕະຫຼາດຊຸດໃໝ່ ເອົາໃຈໃສ່ໃນການແບ່ງງານ, ແບ່ງຄວາມຮັບຜິດຊອບໃຫ້ລະອຽດຈະແຈ້ງເພື່ອເປັນບ່ອນອີງໃນການເຄື່ອນໄຫວປະຕິບັດໜ້າທີ່ການເມືອງ ກໍ່ຄືໜ້າທີ່ວຽກງານວິຊາສະເພາະໃນຄວາມຮັບຜິດຊອບຂອງຕົນ ໃຫ້ມີຜົນສຳເລັດໃນແຕ່ລະໄລຍະ, ເອົາໃຈໃສ່ຕິດຕາມ, ກວດກາ, ຊຸກຍູ້ການເຄື່ອນໄຫວວຽກງານ, ສ້າງໜ່ວຍພັກຂອງຕົນໃຫ້ ປອດໃສ, ເຂັ້ມແຂງ, ໜັກແໜ້ນ ໄປຄຽງຄູ່ກັບໜ້າທີ່ການເມືອງໃນແຕ່ລະໄລຍະ.