ໃນຕອນບ່າຍຂອງວັນທີ 27 ກໍລະກົດ 2018 ທີ່ຜ່ານມາ ຄະນະຈັດຕັ້ງສູນກາງພັກ ໄດ້ມອບເງິນຊ່ວຍເຫຼືອເປັນ ຈຳນວນ 100.000.000 ກີບ, ເຄື່ອງນຸ່ງຫົ່ມ, ເກີບ, ອາຫານແຫ້ງ ແລະ ນໍ້າດື່ມບໍລິສຸດຈຳນວນໜຶ່ງ, ເຊິ່ງເຄື່ອງດັ່ງກ່າວແມ່ນໄດ້ມາຈາກການປະກອບສ່ວນຂອງພະນັກງານການນໍາ, ພະນັກງານລັດຖະກອນ, ຄອບຄົວຂອງພະນັກງານພາຍໃນ ຄະນະຈັດຕັ້ງສູນກາງພັກ ເພື່ອນຳໄປຊ່ວຍເຫຼືອບັນເທົາທຸກແກ່ຜູ້ປະສົບໄພພິບັດຢູ່ ເມືອງສະໜາມໄຊ, ແຂວງອັດຕະປື ແລະ ບັນດາແຂວງທີ່ໄດ້ຮັບຜົນກະທົບຈາກໄພນໍ້າຖ້ວມ. ເປັນກຽດມອບນໍາໂດຍ ທ່ານ ທອງຈັນ ໂຂງພູມຄຳ ຮອງຫົວໜ້າຄະນະຈັດຕັ້ງສູນກາງພັກ ແລະ ໃຫ້ກຽດຮັບນໍາໂດຍ  ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.