ໃນລະຫວ່າງວັນທີ 13 ຫາ 14 ກັນຍາ 2018 ທີ່ຜ່ານມາ ກົມຈັດຕັ້ງ-ພະນັກງານ ຄະນະຈັດຕັ້ງສູນກາງພັກ ໄດ້ເປີດຊຸດຝຶກອົບຮົມການປະເມີນຜົນການປະຕິບັດວຽກງານຂອງພະນັກງານ-ລັດຖະກອນຂຶ້ນທີ່ສະໂມສອນ ຄະນະຈັດຕັ້ງສູນກາງພັກ ເຊິ່ງມີພະນັກງານຈາກບັນດາກົມເຂົ້າຮ່ວມຈຳນວນ 40 ກວ່າສະຫາຍ.

      ກອງປະຊຸມ ໄດ້ເຜີຍແຜ່ດຳລັດສະບັບເລກທີ 300/ລບ, ລົງວັນທີ 13 ກັນຍາ 2017; ຄຳແນະນຳວ່າດ້ວຍການປະເມີນລັດຖະກອນ ແລະ ຄຳແນະນຳການຈັດຕັ້ງປະຕິບັດດຳລັດເລກທີ 06/ພນ, ລົງວັນທີ 02 ພຶດສະພາ 2018 ນຳສະເໜີໂດຍທ່ານ ວັນໄຊ ວັນນະວົງ ຮອງຫົວໜ້າກົມປະເມີນຜົນ ແລະ ພັດທະນາພະນັກງານ-ລັດຖະກອນ; ຈຸດປະສົງການຝຶກອົບຮົມຄັ້ງນີ້ແມ່ນ ເພື່ອໃຫ້ຜູ້ເຂົ້າຮ່ວມໄດ້ຮັບຮູ້, ເຂົ້າໃຈທາງດ້ານທິດສະດີ, ຫຼັກການ, ບົດຮຽນລະບຽບການ, ມາດຕະການ ກ່ຽວກັບການຈັດຕັ້ງປະຕິບັດວຽກງານປະເມີນຜົນ, ຄຸ້ມຄອງພະນັກງານ-ລັດຖະກອນໃນເງືອນໄຂໃໝ່ໃຫ້ມີຄວາມຮັດກຸມຂຶ້ນກວ່າເກົ່າ.