ໂດຍ: ສ. ມິດໃສໃຈ

       ເພື່ອເຮັດໃຫ້ພະນັກງານ-ລັດຖະກອນໃໝ່ ມີຄວາມຮັບຮູ້, ເຂົ້າໃຈໃນການຈັດຕັ້ງ ແລະ ການ ເຄື່ອນໄຫວຂອງຄະນະຈັດຕັ້ງສູນກາງພັກ, ກົດໝາຍວ່າດ້ວຍພະນັກງານ-ລັດຖະກອນ ແຫ່ງ ສປປ ລາວ ແລະ ລະບຽບພາຍໃນຄະນະຈັດຕັ້ງສູນກາງພັກ;  ໃນລະຫວ່າງວັນທີ 12-16 ມິຖຸນາ 2017 ຄະນະຈັດຕັ້ງ ສູນກາງພັກ ໄດ້ຈັດຝຶກອົບຮົມຄວາມຮູ້ພື້ນຖານໃຫ້ລັດຖະ ກອນໃໝ່ ໂດຍເປັນກຽດເຂົ້າຮ່ວມຂອງທ່ານ ທອງຈັນ ໂຂງພູມຄຳ ຮອງຫົວໜ້າຄະນະຈັດ ຕັ້ງສູນກາງພັກ, ທ່ານ ຄຳອ້ວນ ອຸດົມມີໄຊ ຮອງຫົວໜ້າກົມ ຈັດຕັ້ງພະນັກງານ, ມີນັກວິທະ ຍາກອນ, ສຳມະນາກອນ ພ້ອມດ້ວຍຄະນະຮັບຜິດຊອບຝຶກອົບຮົມເຂົ້າ ຮ່ວມຢ່າງພ້ອມພຽງ.

       ການຝຶກອົບຮົມຄັ້ງນີ້ ດຳເນີນເປັນເວລາ 5 ວັນ ມີນັກວິທະຍາກອນຂຶ້ນຫ້ອງສອນ ທັງໝົດ 5 ທ່ານ, ມາຈາກຄະນະຈັດຕັ້ງສູນກາງພັກ 1 ທ່ານ, ຈາກສະຖາບັນຄົ້ນຄວ້າວິທະ ຍາສາດການປົກຄອງ ແລະ ຝຶກອົບຮົມ ກະຊວງພາຍໃນ 4 ທ່ານ, ຜູ້ເຂົ້າຮ່ວມຝຶກອົບຮົມມີ 34 ຄົນ, ເນື້ອໃນຫຼັກສູດການຮຽນ-ການສອນໃນຄັ້ງນີ້ປະກອບມີ 8 ບົດຄື: 1. ພາລະບົດບາດ ຂອງຄະນະຈັດຕັ້ງສູນກາງພັກ; 2. ມາດຕະ ຖານຂອງພະນັກງານຈັດຕັ້ງ; 3. ຂໍ້ກຳນົດຂອງ ຄະນະຈັດຕັ້ງສູນກາງພັກ ວ່າດ້ວຍລະບຽບຂອງ ສຳນັກງານຄະນະຈັດຕັ້ງສູນກາງພັກ, 4. ກົດ ໝາຍວ່າດ້ວຍພະນັກງານ-ລັດຖະກອນ; 5. ຄ່ານິຍົມ ແລະ ຈັນຍາບັນຂອງລັດຖະກອນ; 6. ການຮ່າງເອກະສານທາງລັດຖະການ; 7. ການບໍລິຫານຫ້ອງການ ແລະ ວຽກງານເລຂານຸ ການ ແລະ 8. ພິທີການ ແລະ ມາລະຍາດທາງສັງຄົມ.

       ບັນຍາກາດຂອງການຝຶກອົບຮົມ 5 ວັນນີ້ ເຫັນວ່າ ນັກຝຶກອົບຮົມ ມີຄວາມຕັ້ງໃຈຮັບ ຟັງການ ບັນຍາຍ ຫຼື ການນຳສະເໜີຂອງນັກວິທະຍາກອນ, ບາງຄົນກໍມີຄວາມກະຕືລືລົ້ນ ແລະ ມີຄວາມກ້າຫານ ໃນການປະກອບຄຳຄິດຄຳເຫັນ, ມີການຕັ້ງບັນຫາສົນທະນາຖາມ-ຕອບ ແລກປ່ຽນເຊິ່ງກັນ ແລະ ກັນ.

        ຜ່ານການສະຫຼຸບຕີລາຄາຂອງຄະນະຮັບຜິດຊອບຊຸດຝຶກອົບຮົມຄັ້ງນີ້ ຜູ້ເຂົ້າຮ່ວມຈຳ ນວນ 34 ຄົນ ມີຜູ້ເຂົ້າໃຈເລິກເຊິ່ງ 47%, ຮັບຮູ້ດີ 39% ນອກນັ້ນແມ່ນຢູໃນລະດັບປານກາງ

       ໃນມື້ສຸດທ້າຍຂອງການຝຶກອົບຮົມຄັ້ງນີ້ ຜູ້ເຂົ້າຮ່ວມໄດ້ຮັບໃບຢັ້ງຢືນການຝຶກອົບຮົມ ແລະ ຮັບຟັງຄຳເຫັນໂອ້ລົມຂອງທ່ານ ທອງຈັນ ໂຂງພູມຄຳ ຮອງຫົວໜ້າຄະນະຈັດຕັ້ງສູນ ກາງພັກ ຊຶ່ງທ່ານໄດ້ຮຽກຮ້ອງໃຫ້ຜູ້ເຂົ້າຮ່ວມທຸກຄົນ ຈົ່ງນຳເອົາຄວາມຮູ້ທີ່ໄດ້ຈາກການຝຶກອົບ ຮົມໃນຄັ້ງນີ້ ໄປໝູນໃຊ້ເຂົ້າໃນການປະຕິບັດວຽກງານຂອງຕົນໃຫ້ຖືກຕ້ອງເໝາະສົມ, ຕັ້ງໜ້າ ຝຶກຝົນຕົນເອງທາງ ຄຸນທາດການເມືອງ ແລະ ຄຸນສົມບັດສິນທຳປະຕິວັດໃຫ້ມີຄວາມໜັກ ແໜ້ນ, ມີສະຕິເຄົາລົບລະບຽບກົດ ໝາຍ ແລະ ມີຈັນຍາບັນພະນັກງານຈັດຕັ້ງ ແລະ ເຮັດສຳເລັດຕາມໜ້າທີ່ການເມືອງທີ່ໄດ້ຮັບມອບ ໝາຍ…