ຂ່າວ: ຄອນຄຳ ໂສລັດຕະນະວົງ

ພາບ: ບານ ມູນປະເສີດ + ແສງອາລຸນ ຈັນທາທອນ

       ໂດຍປະຕິບັດຕາມກົດລະບຽບພັກ ປປ ລາວ ສະໄໝທີ XI, ຄະນະພັກ ຄະນະຈັດຕັ້ງສູນກາງພັກ ໄດ້ດໍາເນີນກອງປະຊຸມໃຫຍ່ສະມາຊິກພັກ ຄັ້ງທີ IX ອົງຄະນະພັກຂອງຕົນ ໃນວັນທີ 28 ທັນວາ 2021 ເພື່ອສະຫຼຸບຕີລາຄາຄືນການຈັດຕັ້ງປະຕິບັດໜ້າທີ່ການເມືອງ ກໍ່ຄືມະຕິກອງປະຊຸມໃຫຍ່ອົງຄະນະພັກ ຄັ້ງຜ່ານມາ ແລະ ວາງທິດທາງວຽກງານໃນ 5 ປີຕໍ່ໜ້າ.

       ເປັນກຽດເຂົ້າຮ່ວມກອງປະຊຸມຄັ້ງນີ້ ມີສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ມີສະຫາຍ ນາງ ສີໃສ ລືເດດມູນສອນ ກຳມະການກົມການເມືອງສູນກາງພັກ, ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະຈັດຕັ້ງສູນກາງພັກ, ປະທານກອງປະຊຸມ; ມີສະມາຊິກພັກທົ່ວອົງຄະນະພັກ ຄຈສພ ພ້ອມດ້ວຍແຂກຖືກເຊີນເຂົ້າຮ່ວມ.

       ກອງປະຊຸມ ໄດ້ຜ່ານຮ່າງລາຍງານການເມືອງ ແລະ ບົດສຳຫຼວດການນຳພາລວມຂອງຄະນະພັກ ຕະຫຼອດໄລຍະສະໄໝກອງປະຊຸມໃຫຍ່ຂອງອົງຄະນະພັກຄັ້ງຜ່ານມາ ແລະ ຜ່ານແຜນພັດທະນາວຽກງານຈັດຕັ້ງ 5 ປີຕໍ່ໜ້າ. ໃນລາຍງານການເມືອງ ໄດ້ຍົກໃຫ້ເຫັນຜົນສຳເລັດຫຼາຍດ້ານເປັນຕົ້ນການສຶກສາອົບຮົມການເມືອງ-ນຳພາແນວຄິດ ແລະ ວຽກງານວິຊາສະເພາະກໍ່ຄືການເປັນເສນາທິການໃຫ້ກົມການເມືອງສູນກາງພັກ, ຄະນະເລຂາທິການສູນກາງພັກ ກ່ຽວກັບວຽກງານຈັດຕັ້ງ, ກໍ່ສ້າງພັກ-ພະນັກງານ, ສະຫຼຸບຕີລາຄາການຈັດຕັ້ງປະຕິບັດກົດລະບຽບຂອງພັກ ສະໄໝທີ X ແລະ ຮ່າງກົດລະບຽບຂອງພັກ ສະໄໝທີ XI, ເປັນເຈົ້າການສົມທົບພາກສ່ວນກ່ຽວຂ້ອງກະກຽມດຳເນີນກອງປະຊຸມໃຫຍ່ຜູ້ແທນທົ່ວປະເທດຂອງພັກ ຄັ້ງທີ XI, ຊຸກຍູ້ ຕິດຕາມການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ, ກະກຽມດຳເນີນກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ XI, ຊ່ວຍກະກຽມບຸກຄະລາກອນໃຫ້ແກ່ການເລືອກຕັັ້ງສະມາຊິກສະພາແຫ່ງຊາດ ຊຸດທີ VIII, ທີ IX ສໍາເລັດຜົນເປັນຢ່າງດີ. ຊີ້ນໍາວຽກງານໂຄສະນາເຜີຍແຜ່ທິດສະດີ, ພຶດຕິກຳ ແລະ ບົດຮຽນກ່ຽວກັບວຽກງານຈັດຕັ້ງ, ກໍ່ສ້າງພັກ-ພະນັກງານ ຜ່ານວາລະສານກໍ່ສ້າງພັກ, ລາຍການກໍ່ສ້າງພັກ ທາງໂທລະພາບ, ສື່ສັງຄົມອອນລາຍນ໌ (Social Media), ຢູທູບ (YouTube), ເຟສ໌ບຸກ (FaceBook) ແລະ ເວັບໄຊ້ທ໌ (Website).

       ຄະນະພັກ ໄດ້ຄົ້ນຄວ້າສ້າງ ແລະ ປັບປຸງນິຕິກໍາກ່ຽວກັບວຽກງານກໍ່ສ້າງພັກຫຼາຍສະບັບ ເປັນຕົ້ນ ຄໍາສັ່ງຂອງກົມການເມືອງສູນກາງພັກ ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັັ້ມແຂງ, ໜັກແໜ້ນ; ຄໍາສັ່ງວ່າດ້ວຍວຽກງານຂະຫຍາຍພັກ; ມະຕິວ່າດ້ວຍການກະກຽມດໍາເນີນກອງປະຊຸມໃຫຍ່ຜູ້ແທນທົ່ວປະເທດ ຄັັ້ງທີ XI ຂອງພັກ; ຄໍາສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມດໍາເນີນກອງປະຊຸມໃຫຍ່ອົງຄະນະພັກກະຊວງ-ອົງການ, ແຂວງ-ນະຄອນຫຼວງວຽງຈັນ, ອົງຄະນະພັກເມືອງ-ນະຄອນ ແລະ ຮາກຖານພັກ ໃນຂອບເຂດທົ່ວປະເທດ ແລະ ຄໍາສັ່ງແນະນໍາວ່າດ້ວຍການຄາດຄະເນແບ່ງຄວາມຮັບຜິດຊອບຂອງຄະນະປະຈໍາພັກແຕ່ລະຂັັ້ນ; ພ້ອມກັນນັັ້ນ, ກໍ່ໄດ້ອອກຄໍາແນະນໍາຂອງຄະນະຈັດຕັັ້ງສູນກາງພັກ ກ່ຽວກັບການຈັດຕັັ້ງປະຕິບັດນິຕິກໍາດັ່ງກ່າວ.

     ໃນປີ 2017 ຜ່ານມາ ຄະນະພັກ ຄຈສພ ໄດ້ດໍາເນີນຊີວິດການເມືອງປັບປຸງປົວແປງພາຍໃນອົງຄະນະພັກ ເພື່ອສໍາຫຼວດກວດກາຕີລາຄາການຈັດຕັັ້ງປະຕິບັດໜ້າທີ່ການເມືອງ ແລະ ປັບປຸງແບບແຜນວິທີເຮັດວຽກໃຫ້ດີຂຶ້ນ, ຕີລາຄາຈັດແບ່ງປະເພດຄຸນນະພາບການຈັດຕັ້ງພັກ ແລະ ສະມາຊິກພັກ, ມີ 4 ໜ່ວຍພັກປອດໃສ ເຂັ້ມແຂງ ໜັກແໜ້ນ, ສະມາຊິກພັກປະເພດແຂງມີ 93 ສະຫາຍ, ປະເພດກາງ 44 ສະຫາຍ, ອອກບັດ-ມອບບັດ ໃຫ້ສະມາຊິກພັກສົມບູນທົ່ວອົງຄະນະພັກ ໄດ້ 100%, ປັດຈຸບັນທົ່ວອົງຄະນະພັກ ຄຈສພ ມີສະມາຊິກພັກ ທັງໝົດ 167 ສະຫາຍ, ຍິງ 68 ສະຫາຍ, ທຽບໃສ່ປີ 2016 ເພີ່ມຂຶ້ນ 35 ສະຫາຍ ເທົ່າກັບ 26,51%; ໄດ້ນໍາພາ-ຊີ້ນໍາບັນດາໜ່ວຍພັກ ດໍາເນີນກອງປະຊຸມໃຫຍ່ ສໍາເລັດ ແລະ ຮັບຮອງເອົາຄະນະໜ່ວຍພັກຊຸດໃໝ່ 24 ສະຫາຍ, ຍິງ 06 ສະຫາຍ.

       ໄດ້ຍົກລະດັບທິດສະດີການເມືອງ, ວິຊາສະເພາະ, ພາສາຕ່າງປະເທດ ບໍາລຸງໄລຍະສັັ້ນ ແລະ ກໍໍ່ສ້າງໄລຍະຍາວ ຢູ່ພາຍໃນປະເທດ ແລະ ຕ່າງປະເທດ ມີ 103 ສະຫາຍ, ຍິງ 55 ສະຫາຍ, ຈັດຝຶກອົບຮົມທິດສະດີການເມືອງ 45 ວັນ ໄດ້ 2 ຊຸດ, ມີຜູ້ເຂົ້າຮ່ວມ 66 ສະຫາຍ, ຍິງ 26 ສະຫາຍ; ຈັດຝຶກອົບຮົມ ໃຫ້ລັດຖະກອນໃໝ່ ຈໍານວນ 71 ສະຫາຍ, ຍິງ 26 ສະຫາຍ, ປະຕິບັດນະໂຍບາຍເລື່ອນຊັ້ນຕໍາແໜ່ງບໍລິຫານໃຫ້ພະນັກງານ ຈໍານວນ 42 ສະຫາຍ, ຍິງ 13 ສະຫາຍ, ມີພະນັກງານ-ລັດຖະກອນ ໄດ້ຮັບການຍ້ອງຍໍຜົນງານດີເດັ່ນປະຈໍາປີ ແລະ ຍ້ອງຍໍປະເພດຕ່າງໆ ຈໍານວນ 264 ເທື່ອຄົນ, ຍິງ 89 ເທື່ອຄົນ. ປັດຈຸບັນ ຄະນະຈັດຕັັ້ງສູນກາງພັກ ມີພະນັກງານ-ລັດຖະກອນ ທັງໝົດ 201 ສະຫາຍ, ຍິງ 89 ສະຫາຍ, ໃນນີ້ ມີພະນັກງານຂັັ້ນກົມ 30 ສະຫາຍ, ຍິງ 06 ສະຫາຍ, ຂັັ້ນພະແນກ 62 ສະຫາຍ, ຍິງ 32 ສະຫາຍ ແລະ ພະນັກງານບໍານານ 53 ສະຫາຍ.

       ໄດ້ປັບປຸງພາລະບົດບາດຂອງຄະນະຈັດຕັັ້ງສູນກາງພັກ ແລະ ບັນດາກົມຄືນໃໝ່, ປັບປຸງກົງຈັກການຈັດຕັັ້ງຂັັ້ນກົມ ແລະ ຂັ້ນພະແນກ, ຍຸບພະແນກສົ່ງເສີມຄວາມກ້າວໜ້າຂອງແມ່ຍິງ, ໂອນວຽກດັ່ງກ່າວສັງກັດອົງການຈັດຕັັ້ງສະຫະພັນແມ່ຍິງ, ປ່ຽນຊື່ຈາກຫ້ອງການຄະນະພັກ ມາເປັນ ພະແນກພັກ, ສ້າງຕັັ້ງພະແນກກວດກາພັກ-ລັດ ຂຶ້ນກັບກົມຈັດຕັັ້ງ-ພະນັກງານ, ໄດ້ສ້າງຕັັ້ງພະແນກສະຖິຕິ ແລະ ຄຸ້ມຄອງເງິນສະຕິພັກ ຂຶ້ນກັບກົມກໍໍ່ສ້າງພັກ, ຍຸບກົມຄົ້ນຄວ້ານະໂຍບາຍພະນັກງານ ແລະ ໂອນວຽກດັ່ງກ່າວຂຶ້ນກັບກົມຄຸ້ມຄອງພະນັກງານ, ໄດ້ປ່ຽນຊື່ຄະນະບັນນາທິການວາລະສານກໍໍ່ສ້າງພັກ ເປັນກົມໂຄສະນາກໍໍ່ສ້າງພັກ-ພະນັກງານ, ປ່ຽນຊື່ກົມຈັດຕັັ້ງ ແລະ ກົດລະບຽບພັກ ມາເປັນ ກົມກົງຈັກການຈັດຕັັ້ງ ແລະ ກົດລະບຽບພັກ. ປັດຈຸບັນ ໂຄງປະກອບກົງຈັກການຈັດຕັັ້ງຂອງຄະນະຈັດຕັັ້ງສູນກາງພັກ ມີ 1 ຫ້ອງການ, 7 ກົມ ແລະ 29 ພະແນກ.

       ໃນວາລະກອງປະຊຸມ ຜູ້ແທນໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດເລືອກຕັ້ງເອົາຄະນະພັກ ຊຸດໃໝ່ 11 ສະຫາຍ, ຍິງ 3 ສະຫາຍ ຈາກຜູ້ສະໝັກ 14 ສະຫາຍ, ຍິງ 3 ສະຫາຍ. ກອງປະຊຸມຄັ້ງປະຖົມມະລືກຂອງຄະນະພັກຊຸດໃໝ່ໄດ້ເປັນເອກະສັນກັນເລືອກເອົາຄະນະປະຈຳພັກ 3 ສະຫາຍ, ເລືອກເອົາ ສະຫາຍ ນາງ ສີໃສ ລືເດດມູນສອນ ເປັນເລຂາຄະນະພັກ, ສະຫາຍ ນາງ ບຸດສະດີ ທະນະເມືອງ ເປັນຮອງເລຂາ ແລະ ສະຫາຍ ທອງຈັນ ໂຂງພູມຄຳ ເປັນປະທານກວດກາ.

       ໃນໂອກາດເຂົ້າຮ່ວມກອງປະຊຸມທີ່ມີຄວາມໝາຍສຳຄັນນີ້ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ ໄດ້ມີຄຳເຫັນໂອ້ລົມຕໍ່ກອງປະຊຸມ ໂດຍໄດ້ເນັ້ນໃຫ້ເອົາໃຈໃສ່ວຽກຈຸດສຸມໃນການເປັນເສນາທິການໃຫ້ກົມການເມືອງສູນກາງພັກ ແລະ ຄະນະເລຂາທິການສູນ ກາງພັກ ຕາມພາລະບົດບາດຂອງຕົນ. ສະຫາຍມີຄວາມເຊື່ອໝັ້ນວ່າ ມະຕິກອງປະຊຸມຄັ້ງນີ້ຈະໄດ້ຮັບການຈັດຕັ້ງຜັນຂະຫຍາຍໃຫ້ເກີດຜົນເປັນຈິງດ້ວຍບາດກ້າວບຸກທະລຸໃໝ່ທີ່ຕັ້ງໜ້າ, ສືບຕໍ່ກໍ່ສ້າງອົງຄະນະພັກ ຄຈສພ ໃຫ້ປອດໃສ, ເຂັ້ມແຂງ ໜັກແໜ້ນ ຢ່າງແທ້ຈິງ.