ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
3 ໜ່ວຍພັກທີ່ຂຶ້້ນກັບອົງຄະນະພັກ ຄຈສພ ຈັດພິທີເລື່ອນສະມາຊິກພັກສຳຮອງເປັນສົມບູນ
ຈຳນວນຜູ້ອ່ານ: 110
ອະນຸມັດວັນທີ: 27/03/2024

ຂ່າວ: ວິລະສະໄໝ, ພາບ: ບານ

     ໃນວັນທີ 21 ມີນາ 2024 ທີ່ຫ້ອງປະຊຸມ ຄະນະຈັດຕັ້ງສູນກາງພັກ ໄດ້ມີພິທີເລື່ອນສະມາຊິກພັກສໍາຮອງ ເປັນສະມາຊິກພັກສົມບູນ ຂອງ 3 ໜ່ວຍພັກ ທີ່ຂຶ້ນກັບອົງຄະນະພັກ ຄະນະຈັດຕັ້ງສູນກາງພັກ ໄດ້ແກ່: ໜ່ວຍພັກຫ້ອງການ, ໜ່ວຍພັກກົມໂຄສະນາກໍ່ສ້າງພັກ-ພະນັກງານ ແລະ ໜ່ວຍພັກສູນພັດທະນາວຽກງານຈັດຕັ້ງ ມີ ຈຳນວນ 9 ສະຫາຍ ໃນນີ້ໜ່ວຍພັກຫ້ອງການມີ 6 ສະຫາຍ, ຍິງ 3 ສະຫາຍ, ໜ່ວຍພັກກົມໂຄສະນາກໍ່ສ້າງພັກ-ພະນັກງານ 2 ສະຫາຍ , ຍິງ 1 ສະຫາຍ ແລະ ໜ່ວຍພັກສູນພັດທະນາວຽກງານຈັດຕັ້ງ 1 ສະຫາຍ; ເຂົ້າຮ່ວມໃນພິທີມີສະຫາຍ ພູຂົງ ພິລາເພັດ  ກຳມະການຄະນະພັກ ຄະນະຈັດຕັ້ງສູນກາງພັກ, ເລຂາໜ່ວຍພັກຫ້ອງການ, ມີ ສະຫາຍ ນາງ ວິໄລວັນ ເພັງສະຫວັດ ເລຂາໜ່ວຍພັກສູນພັດທະນາວຽກງານຈັດຕັ້ງ, ສະຫາຍ ວິລັດ ສຸນີຈັນ ຮອງເລຂາໜ່ວຍພັກກົມໂຄສະນາກໍ່ສ້າງພັກ-ພະນັກງານ, ມີບັນດາສະຫາຍຄະນະໜ່ວຍພັກ, ບັນດາສະຫາຍຕາງໜ້າຈາກ 3 ອົງການຈັດຕັ້ງມະຫາຊົນ ແລະ ສະມາຊິກພັກສົມບູນ, ສຳຮອງພາຍໃນ 3 ໜ່ວຍພັກເຂົ້າຮ່ວມ.

     ໃນພິທີດັ່ງກ່າວ ໄດ້ຜ່ານມະຕິຕົກລົງຂອງຄະນະປະຈຳພັກ ຄະນະຈັດຕັ້ງສູນກາງພັກ ວ່າດ້ວຍການເລື່ອນສະມາຊິກພັກສໍາຮອງ ເປັນສະມາຊິກພັກສົມບູນ, ຈາກນັ້ນ ສະຫາຍເລຂາໜ່ວຍພັກ ທັງ 3 ໜ່ວຍພັກ ໄດ້ມີຄຳເຫັນ ແລະ ມອບຂໍ້ຕົກລົງ ພ້ອມທັງຈັບມືຕ້ອນຮັບສະມາຊິກພັກສົມບູນໃໝ່ ເພື່ອສືບຕໍ່ຝຶກຝົນຫຼໍ່ຫຼອມກໍ່ສ້າງຕົນເອງໃຫ້ເປັນກຳລັງແຮງໃນການປະຕິບັດໜ້າທີ່ການເມືອງຊ່ວຍໜ່ວຍພັກຂອງຕົນໃນຕໍ່ໜ້າ.

     ໃນຕອນທ້າຍພິທີ ສະຫາຍ ພູຂົງ ພິລາເພັດ ປະທານໃນພິທີ ໄດ້ມີຄໍາເຫັນໂອ້ລົມຕໍ່ພິທີດັ່ງກ່າວ ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ສະມາຊິກພັກສົມບູນໃໝ່ ທີ່ໄດ້ຝຶກຝົນຫຼໍ່ຫຼອມຕົນເອງຕະຫຼອດໄລຍະສະໄໝສຳຮອງ 12 ເດືອນ ແລະ ໄດ້ເນັ້ນໃຫ້ສະມາຊິກພັກສົມບູນໃໝ່ ຈົ່ງສືບຕໍ່ກໍ່ສ້າງ ແລະ ຝຶກຝົນຫຼໍ່ຫຼອມຕົນເອງ ຄົ້ນຄວ້າຮໍ່າຮຽນ, ກໍາແໜ້ນແນວທາງນະໂຍບາຍຂອງພັກ ແລະ ກົດໝາຍຂອງລັດ, ຫ້າວຫັນຕໍ່ການປະຕິບັດໜ້າທີ່ວຽກງານທີ່ໄດ້ຮັບມອບໝາຍ, ພັດທະນາຕົນເອງໃນທຸກດ້ານ ສ້າງຕົນເອງໃຫ້ກາຍເປັນສະມາຊິກພັກສົມບູນທີ່ມີຄຸນນະພາບ, ເປັນກໍາລັງແຮງຊ່ວຍວຽກໜ່ວຍພັກ, ປະຕິບັດກົດລະບຽບຂອງພັກ, ກົດໝາຍຂອງລັດຢ່າງ​ເຂັ້ມ​ງວດ, ເອົາໃຈໃສ່ຕໍ່ໜ້າທີ່ວຽກງານທີ່ຕົນຮັບຜິດຊອບ ພ້ອມທັງເປັນແບບຢ່າງທີ່ດີໃຫ້ແກ່ມະຫາຊົນ.