ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ຄະນະຈັດຕັ້ງສູນກາງພັກ ຈັດຝຶກອົບຮົມລັດຖະກອນໃໝ່ປະຈຳປີ 2024
ຈຳນວນຜູ້ອ່ານ: 32128
ອະນຸມັດວັນທີ: 28/05/2024

ໂດຍ: ວິລະສະໄໝ ຍົດບຸນມີ

     ໃນວັນທີ 27 ພຶດສະພາ 2024 ຄະນະຈັດຕັ້ງສູນກາງພັກ (ຄຈສພ) ໄດ້ຈັດຊຸດຝຶກອົບຮົມລັດຖະກອນໃໝ່ ປະຈຳປີ 2024 ໃຫ້ແກ່ພະນັກງານພາຍໃນຄະນະຈັດຕັ້ງສູນກາງພັກ ໂດຍການເຂົ້າຮ່ວມຂອງ ທ່ານ ນາງ ສີບານ ສີສະອາດ ກຳມະການຄະນະພັກ ຄຈສພ, ຫົວໜ້າກົມຈັດຕັ້ງ-ພະນັກງານ, ມີລັດຖະກອນໃໝ່ ເຂົ້າຮ່ວມທັງໝົດ 9 ທ່ານ, ຍິງ 3 ທ່ານ. 

     ຊຸດຝຶກອົບຮົມຄັ້ງນີ້ຈະດຳເນີນໄປເປັນເວລາ 4 ວັນ ແຕ່ວັນທີ 27-30 ພຶດສະພາ 2024 ຕາມຫຼັກສູດຂອງກະຊວງພາຍໃນກຳນົດ ໂດຍມີວິທະຍາກອນຂອງກົມຈັດຕັ້ງພະນັກງານ ແລະ ຫ້ອງການ ຄະນະຈັດຕັ້ງສູນກາງພັກຜັດປ່ຽນກັນຂຶ້ນຫ້ອງສອນ ເຊິ່ງປະກອບມີ 8 ບົດຄື: 1. ຄວາມຮູ້ພຶ້ນຖານກ່ຽວກັບຈັນຍາບັນຂອງລັດຖະກອນ ແລະ ມາດຕະຖານພະນັກງານຈັດຕັ້ງ, 2. ຄວາມຮູ້ພື້ນຖານກ່ຽວກັບການຄຸ້ມຄອງລັດຖະກອນແຫ່ງ ສປປ ລາວ, 3. ການເຮັດວຽກເປັນໝູ່ຄະນະ, 4. ເອກະສານທາງລັດຖະການ ຂອງ ສປປ ລາວ, 5. ພາລະບົດບາດ, ສິດ, ໜ້າທີ່ ຂອງຄະນະຈັດຕັ້ງແຕ່ລະຂັ້ນ, 6. ການບໍລິຫານຫ້ອງການ, 7. ການຄົ້ນຄວ້າ-ສັງລວມ, 8. ພິທີການ ແລະ ມາລະຍາດທາງສັງຄົມ.

     ການຈັດຝຶກອົບຮົມຄັ້ງນີ້ ນອກຈາກຈະສ້າງຄວາມຮູ້ພຶ້ນຖານ, ຄວາມສາມາດ ແລະ ເພີ່ມປະສົບການໃນການປະຕິບັດວຽກງານແລ້ວ, ລັດຖະກອນໃໝ່ ຍັງຕ້ອງໄດ້ຕັ້ງໜ້າຝຶກຝົນທາງຄຸນທາດການເມືອງ ແລະ ຄຸນສົມບັດສິນທຳປະຕິວັດໃຫ້ມີຄວາມໜັກແໜ້ນ, ມີສະຕິເຄົາລົບປະຕິບັດລະບຽບກົດໝາຍ ເພື່ອສາມາດຕອບສະໜອງໃນການປະຕິບັດໜ້າທີ່ການເມືອງໃນແຕ່ລະໄລຍະ ແລະ ທ່ວງທັນກັບຄວາມກ້າວໜ້າຂອງເຕັກໂນໂລຊີ, ເປັນການສ້າງເງື່ອນໄຂ ແລະ ສ້າງໂອກາດໃຫ້ລັດຖະກອນໃໝ່ໄດ້ມີການແລກປ່ຽນຄໍາຄິດຄໍາເຫັນເຊິ່ງກັນ ແລະ ກັນ, ພ້ອມທັງແລກປ່ຽນບົດຮຽນລະຫວ່າງສໍາມະກອນ ແລະ ວິທະຍາກອນ ໃຫ້ມີຄວາມຮັບຮູ້ເຂົ້າໃຈເລິກເຊິ່ງ.

     ໃນຕອນທ້າຍ, ທ່ານ ນາງ ສີບານ ສີສະອາດ ກຳມະການຄະນະພັກ ຄຈສພ, ຫົວໜ້າກົມຈັດຕັ້ງ-ພະນັກງານ ໄດ້ມີຄຳເຫັນຕໍ່ພິທີດັ່ງກ່າວ ໂດຍສະຫາຍໄດ້ຮຽກ​ຮ້ອງ​ມາຍັງ​ລັດ​ຖະ​ກອນ​ໃໝ່​ ຈົ່ງຕັ້ງໃຈເຂົ້າ​ຮ່ວມ​ຝຶກ​ອົບຮົມ​ແຕ່ຕົ້ນຕະຫຼອດປາຍ, ເອົາ​ໃຈ​ໃສ່​ຕິດຕາມ, ກໍາ​ແໜ້ນ​ບົດຮຽນຢ່າງ​ເລິກ​ເຊິ່ງ ພ້ອມ​ກັນ​ແລກ​ປ່ຽນ​ຄຳ​ຄິດ​ຄຳ​ເຫັນ​ລະຫວ່າງສໍາມະກອນດ້ວຍກັນ ​​ເພື່ອ​ແລກປ່ຽນ​ບົດຮຽນ ແລະ ຍາດ​ແຍ່ງ​ເອົາຄວາມ​ຮູ້, ບົດ​ຮຽນ ແລະ ປະ​ສົບ​ການ​ຈາກວິ​ທະ​ຍາກອນ​ໃຫ້ໄດ້ຫຼາຍເທົ່າທີ່ຈະຫຼາຍໄດ້.