ຈຳນວນຜູ້ເຂົ້າຊົມ

   ທັງໝົດ: 12085420
wc   ປີກາຍ: 500014
wc   ປີນີ້: 575498
   ເດືອນແລ້ວ: 47520
   ເດືອນນີ້: 4582
   7 ວັນລ່າສຸດ: 1452
   ມື້ນີ້: 320
ໜ່ວຍພັກກົມກົງຈັກການຈັດຕັ້ງ ແລະ ກົດລະບຽບພັກ ແລະ ໜ່ວຍພັກກົມກໍ່ສ້າງພະນັກງານ ຈັດພິທີຮັບສະມາຊິກພັກສໍາຮອງ ແລະ ສົມບູນ ພ້ອມມອບບັດສະມາຊິກພັກ
ຈຳນວນຜູ້ອ່ານ: 18005
ອະນຸມັດວັນທີ: 07/06/2024

ໂດຍ : ນາງ ອານຸລັກ ຈິດຕິລາດ

     ໃນວັນທີ 05 ມິຖຸນາ 2024 ໜ່ວຍພັກກົມກົງຈັກການຈັດຕັ້ງ-ກົດລະບຽບພັກ ແລະ ໜ່ວຍພັກກົມກໍ່ສ້າງພະນັກງານ ຄະນະຈັດຕັ້ງສູນກາງພັກ ໄດ້ຈັດພິທີຮັບສະມາຊິກພັກສໍາຮອງ ແລະ ສົມບູນ ພ້ອມທັງຈັດພິທີມອບບັດ ສະມາຊິກພັກສົມບູນ 6 ສະຫາຍ; ໃນນີ້ ໜ່ວຍພັກກົມກົງຈັກການຈັດຕັ້ງ ແລະ ກົດລະບຽບພັກ ໄດ້ຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສໍາຮອງ 01 ສະຫາຍ ແລະ ມອບບັດສະມາຊິກພັກໃຫ້ສະມາຊິກພັກສົມບູນ 04 ສະຫາຍ, ໜ່ວຍພັກກົມກໍ່ສ້າງພະນັກງານ ເລື່ອນສະມາຊິກພັກສໍາຮອງເປັນສະມາຊິກພັກສົມບູນ 01 ສະຫາຍ ເພື່ອເຂົ້າເປັນກໍາລັງແຮງໃນການປະຕິບັດໜ້າທີ່ການເມືອງຊ່ວຍໜ່ວຍພັກ; ເຂົ້າຮ່ວມໃນພິທີດັ່ງກ່າວມີສະຫາຍ ຄໍາປ່ຽນ ແກ້ວສໍລະສິງ ກໍາມະການຄະນະພັກ ຄະນະຈັດຕັ້ງສູນກາງພັກ, ເລຂາໜ່ວຍພັກ, ຫົວໜ້າກົມກົງຈັກການຈັດຕັ້ງ ແລະ ກົດລະບຽບພັກ, ມີສະຫາຍ ມະນີ ກ່ານສີລາ ກຳມະການໜ່ວຍພັກ ຮອງຫົວໜ້າກົມກໍ່ສ້າງພະນັກງານ, ມີຜູ້ຕາງໜ້າຈາກບັນດາໜ່ວຍພັກ ແລະ ອົງການຈັດຕັ້ງມະຫາຊົນອ້ອມຂ້າງຄະນະຈັດຕັ້ງສູນກາງພັກ ພ້ອມດ້ວຍສະມາຊິກພັກທັງສອງໜ່ວຍພັກເຂົ້າຮ່ວມ.

     ໃນພິທີດັ່ງກ່າວ ໄດ້ຜ່ານມະຕິຕົກລົງຂອງຄະນະພັກ ຄະນະຈັດຕັ້ງສູນກາງພັກ ສະບັບເລກທີ 47/ຄປພ.ຄຈສພ, ລົງວັນທີ 22/05/2024 ວ່າດ້ວຍການເລື່ອນສະມາຊິກພັກສໍາຮອງເປັນສະມາຊິກພັກສົມບູນ ແລະ ສະບັບເລກທີ 48/ຄປພ.ຄຈສພ, ລົງວັນທີ 22/05/2024 ວ່າດ້ວຍການອະນຸມັດຮັບເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກສໍາຮອງ. ຈາກນັ້ນ ຜູ້ຕາງໜ້າທັງສອງໜ່ວຍພັກ ໄດ້ມີຄໍາເຫັນກ່າວຮັບເອົາສະມາຊິກພັກເຂົ້າເປັນກໍາລັງແຮງໃນການປະຕິບັດໜ້າທີ່ການເມືອງຊ່ວຍໜ່ວຍພັກຂອງຕົນໃນຕໍ່ໜ້າ ແລະ ໄດ້ມີພິທີມອບບັດສະມາຊິກພັກໃຫ້ສະມາຊິກພັກສົມບູນ 04 ສະຫາຍ.

     ໃນຕອນທ້າຍ ສະຫາຍ ຄໍາປ່ຽນ ແກ້ວສໍລະສິງ ຕາງໜ້າໃຫ້ຄະນະພັກ ຄະນະຈັດຕັ້ງສູນກາງພັກ ໄດ້ມີຄໍາເຫັນໂອ້ລົມຍ້ອງຍໍຊົມເຊີຍສະມາຊິກພັກສົມບູນ ແລະ ສໍາຮອງ ພ້ອມດ້ວຍສະມາຊິກພັກທີ່ໄດ້ຮັບບັດ ສະມາຊິກພັກສົມບູນ ສືບຕໍ່ເອົາໃຈໃສ່ຄົ້ນຄວ້າຮໍ່າຮຽນ, ກໍາແໜ້ນແນວທາງນະໂຍບາຍຂອງພັກ, ຍົກສູງຄວາມຮັບຜິດຊອບຕໍ່ບົດບາດໜ້າທີ່ການເມືອງທີ່ໄດ້ຮັບມອບໝາຍ, ຝຶກຝົນຫຼໍ່ຫຼອມຕົນເອງໃນທຸກດ້ານ ເພື່ອໃຫ້ກາຍເປັນກໍາລັງແຮງຂອງໜ່ວຍພັກ ເຮັດລ້ອນໜ້າທີ່ການເມືອງຂອງຕົນ.